ПРЕДУПРЕДУВАЊЕ – Ова можеби на почеток звучи многу тешко и комплексно, но во пракса, толку е лесно, логично и интересно, што ќе уживате во секој момент.
И најдобрата реклама нема да постигне никаков успех доколку ја прикажеме на тотално спротивна публика. Тоа е факт, и затоа мораме да обрнеме посебно внимание, на каква публика ќе се прикаже нашиот FB ad.
На пример…ако една одлично сработена реклама (FB ad) која ги следи сите принципи за успешна реклама од претходните видеа и којашто на пример треба да го промовира новиот салон за тетоважи, се прикаже на жени од над 55 години, сигурно дека нема да постигне никаков успех.
Или ако FB реклама која го прикажува новиот масажер за отстранување на целулит, се појави на машка публика од 18-24 години, исто нема да имаме импресивни резултати, некој можеби по грешка ќе го купи овој производ за мајка му 🙂
Пронаоѓањето на вистинска публика може да се доведе до совршенство и тука лежи најголемата предност на Facebook како мрежа за платени огласи (Fb ads). Голема умешност е потребна, но кога ќе ги совладаме тие техники со кои можеме да ја прикажете рекламата баш на оние поединци кои треба да ја видат, ќе постигнеме импресивни резултати.
1) Најпрво треба да одбереме Локација, во која(кои) држави или региони да се прикажува одредена реклама. Или можеме на мапата да одбереме некој регион или град и да таргетираме, на пример една точка и регион со радиус од 10 километри околу тоа место.
– Имаме да одбереме 3 опции,
луѓе кои живеат во овој регион,
луѓе кои неодамна биле во овој регион,
и луѓе кои моментално патуваат низ оваа локација
Исто така можеме да одбереме на пример некој голем регион, и потоа од него да исклучиме еден дел, еден град на пример.
2) Потоа бираме возраст и пол (Age and Sex), можеме да одбереме било која комбинација.
3) Бираме Јазик или јазици (Languages) кои ги користат претходно одбраните луѓе.
4) Потоа следува детално таргетирање, (Detailed targeting)
по следниве категории – Demographics – Едукација, Раса, Генерација на раѓање, во каков статус се (брак, сами, вдовец, разведен, ….), дали се родители, децата на каква возраст им се, титула на работа, во која индустрија е…тука се појавуваат многу други подкатегории и подкатегории, изборот е скоро неограничен. Потоа кои политички партии ги симпатизира…
5) Интереси (Interests) – многу детално со категории и подкатегории
6) Начин на однесување (Behaviors) – ….
7) Конекции (Connections) – Луѓе кои се фанови на нашата FB стана, или нивни пријатели или пак кога сакаме да собереме повеќе нови фанови, треба да ги исклучиме постоечките за да не им се појавува таа реклама.
8) (Placements) На кои уреди и каде да се појави рекламата – Односно дали да се појави
– на мобилен на зидот (Mobile News Feed),
– на десктоп на зид (Desktop News Feed),
-на десктоп малечките реклами во десно (Desktop Right Column),
– (Audience Network) со оваа опција може да се таргетираат и апликации и мобилни сајтови кои прикажуваат реклами,
– Инстаграм (Instagram) – кој и есто така поседуван од Facebook.com
9) Daily Budget – Дневен буџет за реклама, дали тој буџет да се троши преку цел ден еднакво или да се исфорсира и да се потроши што побрзо во текот на денот, или во текот на одредени саати. Исто така можеме да одредиме фиксен буџет и кога ќе се потроши, рекламата да заврши.
10) Optimization for Ad Delivery – како да се подеси рекламата и за што да се оптимизира, дали FB автоматски да одреди цена за некоја акција (Клик на сајт, FB page Like…) или ние да одредиме колку би можеле да платиме за една поединечна акција.
11) Потоа одиме во делот каде бираме кои слики ќе ги искористиме за FB ads, која FB Page ќе ја користиме како основа, до која адреса ќе води рекламата, Preview – како би изгледала рекламата пред да ја пуштиме во погон.
… И НА КРАЈ…. PLACE ORDER, па рекламата оди на Review (оценка) и ако биде одобрена за кратко ќе стартува, па можеме да следиме резултати.
На почеток бираме некоја поширока публика, а потоа од таа побројна публика си правиме своја публика која има афинитет кон нашата тематика, ужива да ги следи нашите материјали, текстови и секако на крај да ги купи нашите производи и услуги. ТОА Е МАЈСТОРСТВОТО НА ПОДЕСУВАЊЕ НА FB ADS!
Тоа се постигнува со Custom Audience (своја публика), стратегија што детално ќе биде објаснето во следното видео.